تحـدي ٢٩ يوم || اليوم العاشـر

Hi

اني رقية وهذا اليوم العاشر من تحدي ٢٩ يوم .

طبعاً اليوم كان يوم منجز بالنسبة الي لانو انجزت جميع مهامي وبديت انظم وقتي بشكل كلش دقيق اتمم جميع المهام الي علية 

لو نرجع لـأيام قبل التحدي فكان هذا شي مستحيل ..مستحيل اطبق جميع ما ادونه لكن هذا التحدي غير هواي امور بحياتي وهسه حنعرف شنو صار خلال هذي الـ 10 أيام ..

لو نرجع نستذكر مهامي بهذا التحدي .. 
-قراءة اكبر كمية من الكتب 
-التدوين 
-التصميم 
-تعلم اللغة التركية
-البحث الدائم خلال اليوم عن مواضيع مختلفة 
 -ممارسة الرياضة

          بـعد عمل مستمر في مختلف الكورسات  والمنصات منها(منصة تصميمي ، منصة معارف ، ادراك) وتعلم         

الجرافيك انجزت اول تصميم شعار . 

بالنسبة للتصميم فـ هو شي أولي بالنسبة الي تقريباً ٥٠٪؜ من يومي هوه يكون تغذية بصرية وتطبيق ؏ـلىٰ الفوتوشوب ، صح متعب ، كُلش متعب لكن يستحق وهدفي ان شاء الله الاحتراف  ..

قررت كذلك التزم بنظام غذائي محدد وممارسة التمارين 

هدفي هوه الالتزام لمده ٣ اشهر ، حالياً مرت ٧ ايام ؏ـلىٰ التزامي بهذا النظام وبعدني مستمره (بلا تزغلط اهمشي)

هدفي اوصل لوزن مناسب لطولي وصحتي .

لو نجي ل ٢٠٢٠ ف كان حلمي اتعلم عزف  واكون عازفه بَـــــسّ للاسف وصلت لنقطة وكفت بيها وكل هذا الفتره مرجعت ادربت 

صار ٩ ايام من رجعت للتمرن وبهذي المده القصيره شفت تطور اكثر من السنة الماضية .. بهذي المده القصيرة تعلمت اسوي كوردات مختلفة واكيد حسمعكم شي بالمستقبل 😉.. 

بالنهاية مومهمه المدة ابداً للانجاز ممكن خلال مده قصيره شهر او اقل نحقق اكثر من توقعاتنا🤍🤍..

شكراً مرتضى وشكراً الكم ؏ـلىٰ هذي الفرصة